ئەندامێکی ئەنجومەنی نوێنەران ڕەخنە لە ڕوونکردنەوەکەی وەزارەتی دارایی هەرێم دەگرێت سەبارەت بە مووچە و دەڵێت باسی لیستی هێزە ئەمنییەکانی نەکردووە کە بە “کێشە گەورەکە”ی لیستی مووچە وەسفیکردووە.
ئەمڕۆ چوارشەممە، وەزارەتی دارایی هەرێمی کوردستان ڕوونکردنەوەیەکی سەبارەت بە دواکەوتنی مووچەی مانگی تەمووز بڵاوکردەوە و بەرپرسیارێتییەکەی خستووەتە ئەستۆی وەزارەتی دارایی عێراق.
لایخۆشیەوە سۆران عومەر، ئەندامی لیژنەی ئابووری ئەنجومەنی نوێنەران ڕایگەیاند، وەزارەتی دارایی هەرێم دانی بە کەموکوڕی لیستەکانی مووچەدا نا لە بوونی ناوی دووبارە و دوو مووچە و نەبوونی بایۆمەتری.
سۆران عومەر ئەوەشیخستەڕوو کە وەزارەتی دارایی دانی بە کمەوکوڕییەکاندا ناوە، بەڵام “بەبێ ئەوەی بەیەک وشە باسی کێشە گەورەکەی لیستی هێزە ئەمنیەکان بکات!”.
