وەزارەتی ناوخۆ بەڕێوەبەری پۆلیسی هاتووچۆی هەڵەبجەی بەوەکالەت بەخشی و کەسێکی تری دانا.
بەپێی نووسراوێکی وەزارەتی ناوخۆی حکومەتی هەرێم ، عەمیدی هاتووچۆ ئەنوەر قادر مەحمود، لە پۆستى بەڕێوەبەرى هاتووچۆى پارێزگاى هەڵەبجە بە وەکالەت بەخشرا و گواستراوەیەوە بۆ سەر میلاکى بەڕێوەبەرایەتى هاتووچۆى پارێزگاى سلێمانى و دانانى بە بەڕێوەبەرى بەشى پلاندانان.
هەر بەپێی نووسراوەکە، بڕیاردراوە بە گواستنەوەى ڕاژەى عەمیدى پۆلیس عەتا بەهرام لەسەر میلاکى بەڕێوەبەرایەتى پۆلیسى سلێمانى بۆ سەر میلاکى بەڕێوەبەرایەتى هاتووچۆى پارێزگاى هەڵەبجە و دانانى وەک بەڕێوەبەر بە وەکالەت بۆ ماوەى شەش مانگ.
