پارێزگاری کەرکووک لەگەڵ شارەوانی کۆبووەوە و ماوەی دوو هەفتە مۆڵەتی خستە بەردەمیان بۆ ئەوەی تەواوی شارەکە پاک بکەنەوە.
ئەمڕۆ پێنجشەممە، ڕێبوار تەها، پارێزگاری کەرکووک بە ئامانجی بەدواداچوون بۆ دۆسێی پاککردنەوەی شارەکە سەرپەرشتی کۆبونەوەیه‌كی فراوانی ئیدارە و كارمه‌ندانی شارەوانی کرد.
پارێزگەی کەرکووک بڵاویکردەوە، لە کۆبوونەوەکەدا یاریدەدەری هونه‌ری و بەڕێوەبەری شارەوانی و بەڕێوەبەری پلان دانانی گشتی و بەرپرسانی شەش بەش و هۆبه و کەرتەکانی شارەوانی ئامادە بوون.
لە کۆبوونەوەکەدا ڕێبوار تەها پارێزگاری کەرکووک بە بەرپرسانی شارەوانی ڕاگەیاند، ماوه‌ی دوو هەفتەتان هه‌یه بۆ پاککردنەوەی شەقام و گه‌ڕه‌كه‌كانی شار و بە پێچەوانەشەوە ڕێوشوێنی یەکلاکەرەوە دەگرینەبەر.
پارێزگاری کەرکووک کە دوێنێ بە فەرمی دەستبەکاربوو، وتیشی: “كه‌مته‌رخه‌م نابین له ئاست خزمەتکردنی هاووڵاتیان و پاکڕاگرتنی شاری کەرکووک”.
