ئەمڕۆ چوار شەممە 14ی ئاب، دوو فڕۆکەی شەڕکەری ڕافال لە ئاسمانی باکووری ڕۆژهەڵاتی فەرەنسا پێکیاندا و کەوتنەخوارەوە.
ئاژانسی هەواڵی (فرانس پرێس) بڵاویکردەوە، دوو فڕۆکەی شەڕکەری ڕافال لە ئاسمانی باکووری ڕۆژهەڵاتی فەرەنسا پێکیانداوە و گەڕان بەدوای تیمی یەکێک لە فڕۆکەکان بەردەوامە.
وتەبێژی هێزی ئاسمانی ئەو وڵاتە ڕایگەیاندووە، ئەو دوو فڕۆکەیە لە بنکەی ئاسمانی سانت دیزێرەوە فڕیون و یەکێک لە فڕۆکەوانەکان بەر لە پێکدادانەکە دەرچووە، بەڵام ئەو ڕاهێنەر و فڕۆکەوانە خوێندکارەی، کە لە فڕۆکەی دووەمدا بوون، بێسەروشوێنن.
