وەزارەتی بازرگانی عێراق پووچەڵکردنەوەی هەوڵێکی بۆ بە قاچاخبردنی 14 تۆن ئاردی بەشەخۆراکی لە بەغدا ڕاگەیاند.
ئەمڕۆ سێشەممە، ڕیاز موسەوی، بەڕێوەبەری گشتی فەرمانگەی چاودێری بازرگانی و دارایی سەر بە وەزارەتی بازرگانی ڕایگەیاند، بە هەماهەنگی لەگەل دەزگا ئەمنییەکاندا هەوڵی بە قاچاخبردنی 14 تۆن ئاردی بەشەخۆراکیان لە ناوچەی جەمیلەی شاری بەغدایان پووچەڵکردەوە.
ڕوونیشیکردەوە ئاردەکە خراوەتە نێو چەند بارهەڵگرێکەوە و ئامادەکراوە بۆ ئەوەی بە قاچاخ بەرەو پارێزگەکانی باکوور ببرێت.
موسەوی ڕاشیگەیاند، دەست بەسەر ئاردەکەدا گیراوە و ڕێکاری یاساییش بەرامبەر سەرپێچیکاران و ئەو کەسانەش دەگیرێتە بەر کە دەیانەوێت یاری بە قوتی هاووڵاتییان بکەن.
