ئەمڕۆ مامۆستایانی وانەبێژ لە سلێمانای گردبوونەوە و هۆشدارییان بە حکومەت دا و دەڵێن” بایکۆت ئەگەرێکی کراوەیە بۆ ساڵی نوێی خوێندن”.
ئەمڕۆ یەکشەممە نوێنەری مامۆستایانی وانەبیژ و بەشێک لە وانەبێژان لەبەردەم بەڕێوەبەرایەتی گشتی پەروەردەی سلێمانی گردبوونەوە و داوای دامەزراندنیان کرد.
لە کۆنفرانسێکی ڕۆژنامەوانیدا نوێنەری مامۆستایانی وانەبێژ ئاماژەی بەوەدا، سەرجەم وانەبێژان بە دامەزراندنی مامۆستایایەکی وانەبێژ بە گرێبەست لە یەکێک لە پەروەردەکان دڵگران و توڕەن و داوای دامەزراندنی گشتی دەکەن.
مامۆستایانی وانەبێژ هۆشداری دەدەنە حکومەت و وەزارەتی پەروەردە لە ئەگەری دانەمەزراندنیان بۆ ساڵی نوێی خوێندن، ئەوا بایکۆت و نەچوونە ناو ناوەندەکانی خوێندن ئەگەرێکی کراوە و بەهێز دەبێت و وەزارەتی پەروەردە و حکومەتی هەرێم بەرپرسن لەودۆخە.
وتیشیان، بۆ ئەوەی پرۆسەی پەروەردە دووچاری راوەستان نەبێتەوە دامەزراندنی نایاسایی ڕاگرن و دەست بکەن بە دامەزراندنی مامۆستایانی وانەبیێژ و کاراکردنەوەی پلە بەرزکردنەوە.
جێی باسە ماوەی زیاتر لە هەشت ساڵە دامەزراندن لە هەرێم ڕاگیراوە، و مامۆستایانی وانەبێژ کە ژمارەیان زیاتر لە 35 هەزارە چەندین ساڵە داوای دامەزراندن دەکەن.
