لە کۆبوونەوەی ئەمشەوی ئەنجوومەنی پارێزگای کەرکوک لە هۆتێل رەشید لە بەغدا پارێزگار و سەرۆکی ئەنجوومەنەکە هەڵبژێردران.
رێبوار تەها وەک پارێزگاری کەرکوک دیاریکرا و محەمەد حافز وەک سەرۆکی ئەنجوومەنەکە دیاریکرا
ژیاننامەی رێبوار تەها مستەفا ئەحمەد
* ساڵی 1982 لە گەڕەکی ئازادی شاری کەرکوک لە دایکبووە.
* خوێندنی سەرەتایی و ناوەندی و ئامادەیی لە کەرکوک تەواوكردووە.
* خاوەنی بڕوانامەی بەکالۆریۆسی پەروەردە زمانی ئینگلیزی و بەکالۆریۆسی یاسا و بڕوانامەی دبلۆمی كارگێرى و ياسایە لە پەیمانگای تەکنیکی کەرکوک.
* لەدوای پرۆسەی ئازادی عێراق تا ساڵی 2014 کاری کردووە لە پرسی ئەمنی و رووبەڕووبوونەوەی تیرۆر.
* ساڵی 2014 بۆ جاری یەکەم بووە بە ئەندامی ئەنجوومەنی نوێنەرانی عێراق و ئەندامی لیژنەی دەستپاکی بووە.
* رێبوار تەها لە لێکەوتەکانی دوای ریفراندۆم و رووداوەکانی 16ی ئۆکتۆبەردا رۆڵێکی بەرچاوی بینی لە پاراستنی ماڵ و گیانی کوردانی کەرکوک و شارەکەی بەجێ نەهێشت.
* لە ساڵی 2018 وەک سەرۆکی لیستی (ی.ن.ک) بووە بە ئەندامی ئەنجوومەنی نوێنەرانی عیراق بۆ جاری دووەم و جێگری سەرۆکی لیژنەی نەوت و وزە بووە.
* هەروەها جێگری نووسینەوەی پەیرەوەی ناوخۆی پەرلەمانی عێراق بووە.
* لە خوولی سێیەم و چوارەمی پەرلەمانی عیراقدا، داکۆکیکاری سەرسەختی پرس و مافە رەواکانی خەڵکی کوردستان و کەرکوک بووە.
* لە کۆنگرەکانى چوارەم و پێنجەم وەک ئەندامی ئەنجومەنى سەرکردایەتی یەکێتیی نیشتمانیی کوردستان هەڵبژێردراوە.
* بەشداربووە لە چەندین کۆڕ و کۆبووبوونەوەی سیاسی و خوول و وۆرکشۆپی تایبەت بە کارگێری و کاروباری پەرلەمانی لە دەرەوەی وڵات.
* لە ساڵی 2023 وەک سەرۆکی هاوپەیمانی کەرکوک هێز و ئیرادەمانە، بەشداری هەڵبژاردنی کرد و بوو بە ئەندامی ئەنجوومەنی پارێزگای کەرکوک.
* زمانی کوردی، عەرەبی، ئینگلیزی بەباشی دەزانێ.
