لە بەغدا باندێکی قاچاخچێتی دراو دەستگیرکران، کە ماستەر کاردیان ساختە کردووە بۆ مەبەستی قاچاخکردنی دراو.
ئەمڕۆ شەممە، هێزێکی ئەمنی هەڵیانکوتایە سەر چەند ماڵێک لە بەغدای پایتەخت و دەستیان بەسەر ماستەرکاردی ساختەدا گرت، کە بڕیاربووە بۆ بە مەبەستی قاچاخکردنی دراو بەکاربهێنرێت.
سەرچاوەیەکی ئەمنی ئاشکرای کرد، دوای چاودێرییەکی ورد و دانانی بۆسەیەک، هێزێکی ئەمنی هەڵیانکوتایە سەر چوار ماڵ لە ناوچەی ئەلسەیدیە، و چوار پیاو و ژنێکیان دەستگیرکرد کە برا و کەسوکاری یەکترن.
ئەو سەرچاوەیە ڕوونیشیکردەوە، لە میانی هەڵمەتەکەدا دەست بەسەر کۆمەڵێک ماستەرکارددا گیراوە کە بەهای هەزاران کاردیان هەیە، جگە لە کۆمەڵێک “سیمکارت” و ئامێرێکی ساختەی خوێندنەوەی ماستەرکارد کە بەمەبەستی قاچاخکردنی دراو بەکارهێنراون.
