لەشاری رانیە گەنجیکی تەمەن ٢٣ ساڵ بە ناوی کەیوان محەمەد بە کارتۆن کۆکردنەوە ئۆتۆمبێلیکی جۆری ئۆپڵی کڕیبوو ئۆتۆمبێلکەی سووتا.
مەجید بتوێنی بەمشێوەیە چیرۆکی سوتانی ئۆتۆمبێلەکەی گێڕایەوە و وتی:” ئەمڕۆ 3_1-2023 چەند گەڕەکێک لەولای ماڵی ئێمە دووکەڵ بەرزبووەو دەنگی ئۆتۆمبێلی بەرگری شارستانی هات ڕامکرد بزانم چی بووە ، گەنجێک بەڕامانێکی قوڵ بەرامبەر سوتانی ئۆتۆمبێلەکەی دانیشتبوو بیری دەکردەوە، دوای کوژانەوەی ئاگرەکە پرسیم چی ڕوویداوە براکەم.
دەشڵێت:”کەیوان محەمەدی تەمەن 23 ساڵان بە خەمبارییەوە وەڵامی دایەوە و وتی:” بەکۆکردنەوەی کارتۆن و شاگردی دوای چوارساڵ له هاوسەرگیری بەخەونەکەم گەیشتم توانیمان ئۆتۆمبێلێکی ئۆپڵ مۆدێل کۆن بکڕین بە 24 گەڵا و تائێستاش پێنج گەڵا لەسەری قەرزداربووینەتەوە، ئەمڕۆ ئێوارە لەبەردەرگا فیول پەمپی تەواو نەبوو ویستم چاکی بکەم سلفم لێدا گڕیگرت و بەتەواوی سوتا، مۆبالەکەشم لەناویدا سوتا’.
کەیوان دەشڵێت:”ئێستا نازانم ڕۆژانە چۆن بڕۆم بۆ ناوچەی پیشەسازی لەوێ شاگردی دەکەم و دەترسم کارەکەم لەدەست بدەم”.
مەجید ئاماژەبەوەدەکات کە شایەتحاڵەکان باسیان لەوەکرد باری دارایی ئەو گەنجە خراپە.
بەڵام کەیوان وتویەتی:” سوپاسگوزاری خودام بەم ڕووداوە بچوکە بەسەری کردومەتەوە ئەی گەر منداڵێکی چاوگەشم پان کردبایەوە چیم کردبا”.
