بە پێی ماڵپەڕی شەفافیەت، داهاتی هەفتەی ڕابردووی سلێمانی زیاتر لە 12 ملیار دینار بووە.
ئەمڕۆ هەینی، ماڵپەڕی شەفافیەت بڵاویکردەوە، داهاتی یەك هەفتەی سلێمانی لە رۆژی 3-8-2024 تا 9-8-2024، بڕی 12 ملیار و 658 ملیۆن و 376 هەزار و 672 دینار بووە.
ڕوونیشیکردەوە کە 85%ـی داهاتەکە بەشێوەی نەختینەیە و 12%ـی داهاتەکە بەشێوەی چەکەو 3%یش لێبڕین بووە.
ماڵپەڕی شەفافیەت لەلایەن نووسینگەی قوباد تاڵەبانی، جێگری سەرۆک وەزیرانەوە سەرپەرشتی دەکرێت، بەڵام حکومەتی هەرێمی کوردستان بە فەرمی دان بەو داتایانەدا نانێت کە ماڵپەڕەکە بڵاویان دەکاتەوە.
