لە هەڵمەتێكی ژینگەییدا، لە پێناو نیشتمان و ژیاندۆستیدا ٥٠٠ نەمام لە دیوانی پەروەردە و ناوەندەكانی خوێندن لە شارباژێڕ ڕووێنران.
بەڕێوەبەرێتی پەروەردەی شارباژێڕ لە ڕاگەیەنراوێكدا، كە بۆ (خەڵك)ی ناردووە ئاماژەی بەوەكردووە، ئەم هەڵمەتە بەهاوكاری بەڕێوەبەرایەتی دارستان و پاوانی سلێمانی ئەنجامدرا و لەچوارچێوەی ئەو رێنماییانەیە، كە لە نامیلكەی لەپێناو نیشتمان و ژیاندۆستیدا لەلایەن وەزراەتی پەروەردەوە ئامادەكراوە، بۆ ناوەندەكانی خوێندن پێش دەستپێكی هەر وەرزێكی خوێندن.
ڕاشیگەیاندووە، پەروەردەی شارباژێڕ بۆ یەكەمجار تەوەری ژینگەی ناو ئەو نامیلكەیەی كردە كردار و پاشان رێنمایی لەبارەی ژینگە و پاراستنی بە خوێندكاران درا.
