ڕاپۆرتە ڕۆژنامەوانییەكان سوپرایزێكی تر لەلایەن یانەی نەسری سعودییەوە ئاشكرا دەكەن كە لەمجارەدا خۆی لە پەلكێشكردنی سێرخیۆ ڕامۆس بەرگریكاری یانەی پاریس سان جێرماندا دەبینێتەوە.
ڕۆژنامەی “ماركا”ی ئیسپانی بڵاویكردەوە، ئەو بۆندەی لەلایەن یانەی نەسرەوە پێشكەش بە سێرخێو ڕامۆسی تەمەن 36 ساڵان كراوە، ناكرێت ڕەتبكرێتەوە.
“ماركا” نوسیویەتی، ڕامۆس بیر لە پەسەندكردنی بۆندەكەی نەسری سعودی دەكاتەوە، بە تایبەت كە بۆندەكەی لەگەڵ پاریس سان جێرمان لە مانگی حوزەیرانی داهاتوودا كۆتایی دێت.
ڕامۆس بە ئیدارەی نەسری ڕاگەیاندووە كە بەمنزیكانە وەڵامی بۆندەكەیان دەداتەوە.
