سەرلەئێوارەی ئەمڕۆ سێ شەممە، نرخی دۆلاری ئەمریكایی لەبەرامبەر دیناری عیراقی، بەشێوەیەكی نائاسایی بەرزبۆوە.
بەپێی زانیارییەكان، سەرلەئێوارەی ئەمڕۆ نرخی ١٠٠ دۆلاری ئەمریكایی لە بۆرسەكانی كیفاح و حارسیە لە بەغدای پایتەخت گەیشتە ١٥٥ هەزار دینار، نرخی كڕینەوەی ١٠٠ دۆلاریش بە ١٥٤ هەزار دینار بوو.
لەم چەند ڕۆژەی دواییدا نرخی ١٠٠ دۆلاری ئەمریكایی گەیشتە نزیكەی ١٦٠ هەزار دینار، بەڵام دواتر نرخەكەی دابەزی، لەكاتێكدا حكومەت بەڵێنیدا نرخی خەرجی دۆلار كۆنترۆڵ بكات و بیگێڕێتەوە بۆ نرخی فەرمی خۆی كە ١٤٥ هەزار دینارە بۆ هەر ١٠٠ دۆلارێك.
