بەڕێوەبەرایەتی ئاوی سلێمانی رایگەیاند، بەهۆی بڕانی کارەباوە دابەشکردنی ئاو لە چەند گەڕەکێکی سلێمانی رادەگیرێت، ئێستا تیمی صیانەی کارەبای سلێمانی سەرقاڵی چاکردنەوەی ئەو گرفتەن.
بەڕێوەبەرایەتییەکە لە راگەیەندراوێکدا بڵاویکردووەتەوە و دەڵێت:”بەهۆی بڕانی چەند جارەی کارەبا لە دوێنێوەو ئەمڕۆش تا ئەم کاتەش لە پڕۆژەکانی دابەشکردنی ئاو زۆربەی گەڕەکەکانی شاری سلێمانی بەتایبەت گەڕەکەکانی ناوچەی قڕگە و کوردسات و هەواری شار بۆ ماوەی یەک ڕۆژ دابەشکردنی ئاو دوا دەکەوێت”.
دەشڵێت:”هیوادارین بەزووترین کات ئەو کێشەیە چارەسەربێت و ئاو بگەیەنینەوە هاووڵاتییان بۆ ئەوەی لەم وەرزی گەرمایە هاووڵاتییان توشی کەم ئاوی نەبن، ئێستاش تیمی صیانەی کارەبای سلێمانی سەرقاڵی چاکردنەوەی ئەو گرفتەن هیوادارین بەزووترین کات چارەسەر ببێت.
