بەڕەنگی دووكەڵی ئۆتۆمبێلەكەت كێشەی ئۆتۆمبێلەكەت بزانە

چۆن دەتوانیت لە ڕێگەی ڕەنگی ئەو دووکەڵەی، کە لە ئەگزۆزی ئۆتۆمبێلەكەتەوە دێت، دۆخی بزوێنەری ئۆتۆمبێلەکەت بزانیت؟

1- دووکەڵی شین، زۆرجار نیشانەی سووتانی ڕۆنە لەناو ژووری سووتاندن و لەوانەیە دەرئەنجامی کۆمەڵێک هۆکار بێت لەوانە:
– دزەکردن لە ئۆلفەكان (ڤاڵڤەکان) کە لە ئەنجامدا ڕۆن دزە دەکاتە ناو سلندەرەکان.
– ژەنگاویبوونی ئەڵقەکانی پستۆن.

2- دووکەڵی ڕەش، کە نیشانەی ناتەواوی سووتانی نێوان سووتەمەنی و هەوایە، لە ئەنجامی ئەمانەی خوارەوەیە:
– کێشەیەک لە فلتەری هەوا.
– کێشە لە نۆزڵەكان دەبێتە هۆی ڕشاندنی بڕێکی زۆر سووتەمەنی بۆ ناو ژووری سووتاندن.
– كێشەی كابرێتەر لە ئۆتۆمبێلە کۆنەکاندا.

3- دووکەڵی سپی، زۆرجار دەرئەنجامی چوونە ژوورەوەی ئاوە بۆ ژووری سووتاندن، بەهۆی ئەمانەی خوارەوە:
– بوونی ئاو لە ئەگزۆزدا لە ئەنجامی هەڵمدا بەتایبەت لە کەشوهەوای سارد دا.
– سەرەتای لەدەستدانی واشەری سەر بستۆنەكان.