یانەی نەسری سعودیە لەماوەی چەند كاتژمێری ڕابردوودا بلیتی ئامادەبوونی ئاهەنگی پێشكەشكردنی كریستیانۆ ڕۆناڵدۆ ئەستێرەی پورتوگالی خستەڕوو كە لەماوەی گواستنەوەكانی زستانەی ئەمساڵدا چووە ڕیزی یانە سعودیەكە.
ئەمڕۆ سێ شەممە نەسر ڕایگەیاند، بلیتی ئامادەبوون لەو بۆنە چاوەڕوانكراوە كە عاشقانی یانە سعودیەكە لەنێو وڵاتدا بەجۆشەوە تێیدەڕوانن، لەئێستادا بە نرخی ١٥ ڕیاڵ بەردەستە.
نەسر دەڵێت، داهاتی ئاهەنگی پێشكەشكردنی ڕۆناڵدۆ بۆ بەرژەوەندی دامەزراوەی خێرخوازیی ئیحسان تەرخان دەكرێت.
وابڕیارە ئاهەنگی پێشكەشكردنی ڕۆناڵدۆ لە یاریگای مرسول پارك لە كاتژمێر هەشتی ئەمشەودا سازبكرێت.
