ئێوارەی ئەمرۆ ئاگر لە چیای ئەزمەڕ کەوتەوە و تیمەکانیش سەرقاڵی کوژاندنەوەی ئاگرەکەن.
ئاگرەکەی ئەم ئێوارەیە لەکاتێکدایە بەرەبەیانی ئەمڕۆ دووشەممە ئاگرێکی گەورە لە بناری گۆیژە کەوتەوە، و دواتر لەلایەن تیمەکانی بەرگری شارستانی کۆنتڕۆڵ کرا.
هاوکات وتەبێژی بەرگری شارستانی ڕایگەیاند، لەدواى چوار کاتژمێر توانرا کۆنترۆڵى ئاگرە گەورەکەى شاخى گۆیژە بکرێت، و هۆبەی دارستانی گۆیژەش ڕایگەیاند، نزیکەی 300 دۆنم زەوی سووتاوە.
ئەو ڕەشەبا بەهێزەی لە شەوی ڕابردووەوە سلێمانی گرتۆتەوە، هۆکاری زوو تەشەنەسەندنی ئاگرەکەو قورسکردنی کاری تیمەکانی بەرگری شارستانییە بۆ کۆنتڕۆڵکردنی ئاگرەکە.
