بەهۆی ڕاکێشانی هێڵێکی نوێی کارەبا پێدانی کاتژمێرەکانی کارەبا لە چەمچەماڵ و شۆڕش گۆرانکارییان بەسەردا دێت.
به‌ڕێوه‌به‌رایه‌تی دابه‌شكرنی كاره‌بای چەمچەماڵ بڵاویکردەوە، به‌ڕێوه‌به‌رایه‌تی گواستنه‌وه‌ی كاره‌بای سلێمانی هه‌ڵده‌ستێ به ڕاكێشانی هێڵێكی نوێ ی 33 كی ڤی له وێستگه‌ی به‌رده‌قاره‌مانه‌وه بۆ ناحیه‌ی ته‌كیەی كاكه‌مه‌ند به‌مه‌به‌ستی چاره‌سه‌ركردنی ڤۆڵتیه‌ی وێستگه‌ی 33 كی ڤی ئاغجه‌له‌ر و چاره‌سه‌ركردنی كێشه‌ی بارزۆری (ئۆڤه‌ر لۆدی) محویله‌كانی وێستگه‌ی 132 كی ڤی چه‌مچه‌ماڵ.
ئاماژەیا بەوەشداوە، له به‌رواری 28-7-2024 تا كۆتایی مانگی 8ی 2024 خشته‌ی پێدانی كاره‌با له سنوره‌كه‌مان گۆڕانكاری به‌سه‌ردادێت، و هه‌ندێ گۆڕانكاری پێویست له هێڵه‌كانی گواستنه‌وه‌ی كاره‌با دا ده‌كرێت. به‌م شێوه‌ی لای خواره‌وه :
- چه‌مچه‌ماڵ له كاتژمێر (2) نێوه‌ڕۆ تا (6) به‌یانی كاره‌بای نێشتمانی ده‌بێت.
- ناحیه‌ی شۆڕش له كاتژمێر 8 ی ئێواره تا (12) ی نیوه‌ڕۆ كاره‌بای نیشتیمانی دەبێت.
