نیوەشەوی ڕابردوو بە چوار مووشەك هێرش كرایە سەر بنكەی سەربازی ئەمریكاییەكان لە عەین ئەسەد لە پارێزگای ئەنبار.
ئاژانسی هەواڵی (ڕۆیتەرز) لە زاری چەند سەرچاوەیەكی ئەمنییەوە بڵاویكردەوە، نیوەشەوی ڕابردوو لەڕێگەی 4 مووشەوە بنكەی سەربازی عەین ئەسەد كراوەتە ئامانج و شوێنی هەڵدانی مووشەكەكان لە ناوچەیەكی نزیكەوە بووە.
ئاماژەی بەوەشكردووە، دوو لە مووشەكەكان لەناو بنكەكە تەقیونەتەوە، بەڵام تا ئێستا قەبارەی زیانەكان نەزانراوە و لایەنی پشت ڕووداوەكەش دیاری نەكراوە.
بلای خۆشیەوە، ەرپرسێکی وەزارەتی بەرگری ئەمریکا لەبارەی بۆردوومانکردنی بنکەی عەین ئەسەدەوە رایگەیاند، بۆردوومانەکە بۆ سەر ناوچەیەکی دەرەوەی بنکەکە بووە و هیچ زیانێکی گیانی نەبووە و هیچ سەربازێکیش بریندار نەبووە.
وتوشیەتی، “لێکۆڵینەوەکان لەبارەی هێرشەکەوە دەستیان پێکردووە، بەڵام تا ئێستا نەیان زانیوە چەند مووشەک ئاڕاستە بنکەکە کراون و لە کوێوە ئاڕاستە کراون و جۆرەکانیان چییە”.
ئەو هێرشە لە کاتێکدایە، لە دوو ڕۆژی ڕابردوودا لە واشنتۆن کۆبوونەوەیەکی ئەمنی لەنێوان عێراق و ئەمریکا ئەنجامدرا بۆ گفتوگۆکردن لەبارەی کۆتاییهێنان بە ئەرکەکانی هاوپەیمانی نێودەوڵەتی لە ناوچەکەدا.
