نانی بەیانیان بە گرنگترین ژەم دادەندرێت، بۆیە دەستپێكردنی ڕۆژەكەت بە ژەمێكی خۆراكی تەندروست كاریگەری ئەرێنی لەسەر باری دەروونی و جەستەییت دەبێت و وازهێنان لێی كاریگەری نەرێنی لەسەر جەستە دروست دەكات.
لە راپۆرتێكی ماڵپەڕی ” The Times Of India” دا ئاماژە بە چەند هۆكارێك كراوە بۆ ئەوەی گرنگی بدەیت بە نانی بەیانیان، بەم شێوەیە:
١. باشتركردنی ئاستی میتابۆلیزم و وزە:
خواردنی نانی بەیانی یارمەتی چالاككردنی میتابۆلیزم دەدات، یارمەتیت دەدات بە درێژایی ڕۆژ كالۆری بسوتێنیت، كاتێكیش ئەم ژەمە ناخۆیت میتابۆلیزمت خاو دەبێتەوە.
٢. باشتركردنی تەركیز و كاركردنی مێشك:
خواردنی نانی بەیانیان دەبێتە هۆی باشتركردنی كارەكانی مێشك و باشتركردنی یادەوەری و تەركیز.
٣. یارمەتیدەرە لە خواردن و وەرگرتنی ماددە خۆراكیەكان:
ژەمی بەیانیان دەرفەتێكی نایاب و ناوازەیە بۆ خواردن و وەرگرتنی ماددە خۆراكییە گرنگەكان، كە جەستە پێویستیانە بۆ ئەوەی تەندروست بمێنێتەوە.
٤. كۆنترۆڵ نەكردنی كێش:
وازهێنان لە نانی بەیانی دەبێتە هۆی زیادەڕۆیی لە خواردن لە درەنگانی ڕۆژدا، چونكە برسێتی زیاد دەكات و لە ئەنجامدا دەبێتە هۆی زیادبوونی كێش.
٥. باری دەروونی باشتر دەكات و فشاری دەروونی كەم دەكاتەوە:
دەستپێكردنی ڕۆژەكەت بە ژەمێكی خۆراكی تەندروست كاریگەری ئەرێنی لەسەر باری دەروونی و ئاستی فشاری دەروونیت دەبێت، هەروەها برسێتی و دابەزینی ئاستی شەكر لە خوێندا دەبێتە هۆی توڕەبوون و دڵەڕاوكێ و گۆڕانی باری دەروونی، چونكە خواردنی نانی بەیانیان یارمەتیدەرە بۆ جێگیركردنی ئاستی شەكری خوێن، ئەمەش وزەی بەردەوام دەدات.
