بەرەبەیانی ئەمڕۆ ئاگر لە دوو کۆگا لە ناوچەی پیشەسازی سلێمانی کەوتەوە و تەنها زیانی ماددی هەبووە.
بەپێی سەرچاوەکانی هەواڵ ئاگرەکە لە دوو کۆگای دروستکردنی کەوانتەر و پێداویستی دروستکردنی کەوانتەر کەوتۆتەوە، و تا ئێستا ئەوەی زانراوە زیانی گیانی نەبووە.
بەپێی وتەی وتەبێژی بەرگری شارستانی کە بۆ میدیای گۆران دواوە، ئاگرەکە لەکاتژمێر 6ی بەیانییەوە کەوتۆتەوە، و هۆکاری ئاگرکەوتنەوەی ئاگرەکە بە تەواوی نەزانراوە، و لە ئێستادا هەوڵ دەدەن ئەو کۆگایانەی لە دەوروبەری ئاگرەکەبوون بە دووربگیرێن لە زیان.
