![](https://xelk.org/wp-content/uploads/2024/03/awincity2.png)
بەپێی یاسایەک، حکومەتی خۆجێی لە ویلایەتی یاماگاتای ژاپۆن، هەموو 8ی مانگێکی وەک “ڕۆژی پێکەنین” دیاری کردووە، کە یاساکە لەلایەن ئەندامانی پارتی لیبراڵ دیموکراتی پاریزگارەوە پێشنیار کراوە و پەسەند کراوە.
یاسایەکی نوێ، داوا لە هاووڵاتیان و دانیشتوانی ویلایەتی یاماگاتا دەکات، لانیکەم ڕۆژانە جارێک پێبکەنن بۆ ئەوەی تەندروستی جەستەیی و دەروونی خۆیان بەرەوپێش ببەن.
لەسەر بنەمای توێژینەوەیەک کە زانکۆیەکی ناوخۆیی ئەنجامیانداوە و دەرکەوتووە کە پێکەنینی بەردەوام لەوانەیە مەترسی تووشبوون بە نەخۆشییەکانی دڵ کەمبکاتەوە، حکومەتی خۆجێی لە ویلایەتی یاماگاتای ژاپۆن ئەو یاسا نوێیەی دەرکردووە.
یاساکە داوا لە کۆمپانیاکان و ناوەندەکان و شوێنی کارەکان دەکات کە “کەشێکی کارکردنی پڕ لە پێکەنین پەرەپێبدەن” و 8ی هەموو مانگێک کە بە “ڕۆژی پێکەنین” دیاری کراوە وەک خۆی لەبەرچاوبگرن.
ئۆپۆزسیۆن لە ژاپۆن ڕەخنەیان لە یاساکە گرت و ڕایانگەیاند؛ ئەم هەنگاوە “مافە سەرەتاییەکانی مرۆڤ پێشێل دەکات، بەو پێیەی”پێکەنین یان پێنەکەنین مافێک لە مافەسەرەتاییەکانی خودی مرۆڤ خۆیەتی نەک ناچار بکرێت.”