![](https://xelk.org/wp-content/uploads/2024/03/awincity2.png)
کەشناسی هەرێمی کوردستان ڕایگەیاند ئەمڕۆ و سبەینێ پلەی گەرما بەرزدەبێتەوە و لە ناوچەکانی باشووری هەرێمیش ئەگەری کەمێک خۆڵبارین هەیە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، ئاسمان ساماڵ دەبێت لەگەڵ بوونی پەڵە هەوری جیاجیا و پلەی گەرماش بە گشتى کەمێک بەرز دەبێتەوە.
سەبارەت بە سبەینێ هەینیش ڕایگەیاند، ئاسمان ساماڵ دەبێت و لەناوچە شاخاوییەکان لە نێوان نیمچە هەور و پەڵە هەور دەبێت.
ئەوەشی خستەڕوو کە ئەگەری تۆزێکی سووک هەیە لە ناوچەکانی باشووری هەرێم و پلەی گەرماش لە تۆمارکراوەکانی ئەمڕۆ نزیک دەبێتەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 45
سلێمانی : 42
دهۆک : 44
کەرکووک : 48
هەڵەبجە : 44
زاخۆ : 45
سۆران : 42
حاجی ئۆمەران : 33
گەرمیان : 49