پارەكەی بەغدا گەیشتە هەرێم و ئەمڕۆ وەزارەتی دارایی لیستی مووچە بڵاودەكاتەوە و وتەبێژی حكومەتی هەرێم دەڵێت: سبەینێ و دوو سبەی مووچەی سەرجەم فەرمانبەران دەدرێت.
ئەمڕۆ سێ شەممە، وەزارەتی دارایی هەرێم بڵاویكردەوە، لەلایەن وەزارەتی دارایی عێراقەوە بڕی 421 ملیار و 760 ملیۆن دینار خرایە سەر هەژماری بانکی وەزارەتی دارایی هەرێم.
لای خۆشیەوە، پێشەوا هەورامانی، وتەبێژی حکومەتی هەرێم وادەی دابەشکردنی مووچەی ئاشکراکرد و ڕایگەیاند، سبەینێ و دوو سبەی واتە “چوار شەممە و پێنج شەممە” مووچەی سەرجەم فەرمانبەرانی شارستانی دابەشدەکرێت.
لای خۆشیەوە، سەرچاوەیەكی وەزارەتی دارایی وتویەتی، “ئەمڕۆ لیستی مووچەی سەرجەم وەزارەت و فەرمانگەكان بۆ مانگی 6 بڵاودەكرێتەوە و بە دوو ڕۆژ دابەش دەكرێت”.
