بوومەلەرزەیەك لە سنووری ئیدارەی گەرمیان ڕوویدا و بەشێكی هاووڵاتیان هەستیان پێكرد.
سیروان ساڵح، شارەزای كەشناسی و بوومەلەرزەزانی بۆ (خەڵك) ڕایگەیاند، دوای کەمتر لە 20 کاتژمێر لە پێشبینیەکەمان بوومەلەرزەیەکی پلە نزم لە نزیک شاری کەلار ڕوویدا، كە لە نێوان (كەلار- قەرەتەپە) بووە.
ئاماژەی بەوەشكرد، چەقی بوومەلەرزەكە لە گوندی حاجی حەسەن بووە لە نیوەڕۆی ئەمڕۆ چوار شەممە و 23 كیلۆمەتر لە سەنتەری قەزای كەلار دووربووە.
ئاشكراشی كرد، گوڕی بوومەلەرزەكە 2.9 پلە بووە بە پێوەری ڕێختەر و بە قوڵایی 10 كیلۆمەتر لە ناخی زەوی.
ئەمە لەكاتێكدایە، كە دوێنێ سێ شەممە، سیروان ساڵح بۆ (خەڵك) پێشبینی ڕوودانی بوومەلەرزەی لە ناوچەكانی هەرێمی كوردستان تا كۆتایی ئەم هەفتەیە كردبوو.
