ئەنجومەنی وەزیرانی هەرێمی کوردستان لە کۆبوونەوەی هەفتانەی خۆیدا بابەتی مووچە و کۆبوونەوەکانی هەولێر و بەغدا لەسەر پرسی دەروازە سنوورییەکان تاوتوێ دەکات.
ئەمڕۆ چوارشەممە ئەنجوومەنی وەزیرانی هەرێمی کۆدەبێتەوە و گفتوگۆ لەسەر پرسی مووچەی مانگی حوزەیرانی مووچەخۆران و مووچەی مانگی هەردوو مانگی ئایار و حوزەیرانی پێشمەرگەو ئاسایش دەکات.
لە کۆبوونەوەکەدا بابەتی هاوتاكردنی مووچەی خانەنشینان لە هەرێمی كوردستان لەگەڵ هاوتاكانیان لە حكومەتی فیدراڵ بەگوێرەی یاسای خانەنشینی یەكگرتوو دەخرێتەڕوو.
هەروەها كۆبوونەوەی هاوبەشی هەردوو حكومەتی فیدراڵ و حكومەتی هەرێم سەبارەت بە دەروازە سنوورییەكان گفتوگۆی لەسەر دەکرێت.
