وەزارەتی دارایی هەرێم ڕایگەیاند،، لیستی مووچەی مانگی حوزەیرانی هەرێمی کوردستان ڕادەستی وەزارەتی دارایی حکومەتی فیدڕاڵ کرا.
وەزارەتی دارایی و ئابووریی هەرێم لە ڕاگەیەندراوێکدا بڵاویکردەوە، دوای تەواوکردنی سەرجەم ڕێکارەکان، ئێوارەی رۆژی پێنجشەممە 27ی حوزەیرانی 2024، لیستی مووچەی مانگی حوزەیرانی سەرجەم فەرمانبەران، خانەنشینان و مووچەخۆرانی هەرێمی کوردستان بە شارستانی و سەربازییەوە ئامادەکرا و ڕەوانەی بەغدا کرا.
ئاماژەی بەوەشکرد، ئەمڕۆ سەرجەم لیستەکان لەلایەن تیمی وەزارەتی دارایی حکومەتی هەرێمی کوردستانەوە رادەستی بەڕێوبەرایەتیی گشتیی ژمێریاری لە وەزارەتی دارایی حکومەتی فیدڕاڵی کرا.
