بەرەبەیانی ئەمڕۆ هەینی 28ی حوزەیرانی 2024، هەڵبژاردنەکانی ئێران دەستیپێکرد و ئێرانییەکان دەنگیان دا بۆ هەڵبژاردنی جێنشینی ئیبراهیم ڕەئیسی، سەرۆک کۆماری کۆچکردووی ئێران، کە مانگی ڕابردوو بەهۆی کەوتنەخوارەوەی هەلیکۆپتەرێکەوە گیانی لەدەستدا.
ئەحمەد وەحیدی، وەزیری ناوخۆی ئێران لە وتووێژ لەگەڵ تەلەفزیۆنی فەرمی وڵاتەكەیهەڵبژاردن ڕایگەیاند، دوای کۆچی دوایی سەرۆکی پێشووی ئێران، ئێرانییەکان ئەمڕۆ دەستیان بە دەنگدان کرد بۆ هەڵبژاردنی سەرۆکێکی نوێ.
نزیکەی ٦١ ملیۆن دەنگدەر مافی ئەوەیان هەیە بچنە سەر ئەو سندوقانەی، کە بەسەر ٥٨ هەزار و ٦٤٠ ناوەندی هەڵبژاهەڵبژاردنی سەرۆكایەتی لە ئێرانردندا دابەشکراون، کە بەسەر ئەو وڵاتە فراوانەدا بڵاوبوونەتەوە کە لە دەریای خەزەرەوە لە باکوورەوە تا کەنداو لە باشوور درێژدەبێتەوە.
بۆ هەڵبژاردنی سەرۆكایەتی، ١٤ ناوەندی هەڵبژاردن لە عێراقدا هەیە، کە بەسەر ٩ پارێزگاردا دابەشکراون بە مەبەستی ڕێگەدان بە دەنگدان بە ئێرانییەکان لە ناوخۆی عێراق.
ئایەتوڵا عەلی خامنەیی، ڕێبەری شۆڕشی ئیسلامی ئێران بەرەبەیانی ئەمڕۆ هەینی لە بنکەی دەنگدانی گەڕۆکی ژمارە ١١٠ دەنگی دا.
خامنەیی وتی، “ڕۆژی هەڵبژاردن بۆ ئێمەی ئێرانی، ڕۆژی خۆشی و شادییە، ئامادەبوونی جەماوەریی بە جۆش و خرۆش و زیادبوونی ژمارەی دەنگدەران پێویستییەکی دیاریکراو بۆ کۆماری ئیسلامیی”.
دەشڵێت: پێشنیار دەکەین کە خەڵک دەنگ بدەن و بەشداری ئەم تاقیکردنەوە سیاسییە گرنگە بکەن.
