ڕائید بەهمەن عەبدوڵڵا، ئەفسەر لەبەشی راگەیاندنی بەڕێوەبەرایەتیی هاتوچۆی سلێمانی باس لە چارەسەر کردنی کێشەی ئۆتۆمبێلە بێ سەرەتاکان دەکات و دەڵێت:”چارەسەر کردنیان کارێکی گران نییە، لە ڕێگەی لێژنەیەکەوە دڵنیایی لە سەلامەتی ئۆتۆمبێلەکان بکرێتەوە و پاشان لەبەرامبەر بڕێک ڕسوماتدا تۆمار بکرێت ، ئەمە لەبەرژەوەندی ئەمنی و دارایی و خەڵکدایە”
ڕائید بەهمەن عەبدوڵڵا، ئەفسەر لە بەشی راگەیاندنی بەڕێوەبەرایەتیی هاتوچۆی سلێمانی، ساڵانە چەندین بڕیار و ڕێنمایی دەرئەچێت با ئەم بڕیارەش لە بەرژەوەندی فەقیرا و هەژارا دەرچێ، زیاتر لە ٣٠ هەزار ئۆتۆمبێلی بێ سەرەتا لەهەرێم بوونی هەیە و بەسەر کوڕی فەقیر و هەژارا ساخ بووتەوە و هەتا ئێستا چارەنوسیان نادیارە، کێ بەرپرسە لەو زیانەی کە بە ٢٠ ملیۆن دۆلار مەزەندە ئەکرێ بەشێک لەو کەسانە هەموو سەرمایەکەیان هەر ئەوەندە بووە کە ئۆتۆمبێلەکەیە.
دەشڵێت:”لە دوای پرۆسەی ئازادی عێراقەوە ئۆتۆمبێلی بێ سەرتا ( علوج) بە شێوەیەکی بەربڵاو سەری هەڵداو بوو بەدیاردە، بەڵام دواجار حکومەت بە چەند قۆناغێک و بەرامبەر و بە ڕسوماتێکی کەم تۆماری کردن، ئێستا و لە دوای چەند ساڵ لە پرۆسەی ئازادی عێراق ئەم دیاردەیە بنەبڕ نەکراوە و هەر بەردەوامە، بەگوێرەی سەرژمێریەکی ساڵی ٢٠٢١ کە لە هەولێر و سلێمانی ئەنجامدار و کۆدیان بۆ کردن نزیکەی ٢٠ هەزار ئۆتۆمبێل کۆدیان پێدرا، ئەو کاتە کەنەتوانرا چارەسەرێکیان بۆ بدۆزرێتەوە.
دەشڵێت:” تاوەکو ئەمڕۆ هێنان و هاتنی ئەم جۆرە ئۆتۆمبێلانە بەردەوامە و ڕۆژ بەڕۆژ لە زیادبووندایە بە پێی ئامارە نافەرمیەکان زیاتر لە ٣٠ هەزار ئۆتۆمبێل بونی هەیە ، ٣٠ هەزار ئۆتۆمبێل بەسەر کوڕی فەقیر و هەژارا ساخ بۆتەوە و بەبێ ئەوەی چارەنوسیان دیار بێت”.
ئەو ئەفسەرە لە بەشێکی دیکەی نووسینەکەیدا دەڵێت:”ئێستا ئەمانە بوون بە واقعی حاڵ، هێشتا چارەسەر کردنیان کارێکی گران نیە، لە ڕێگەی لێژنەیەکەوە دڵنیایی لە سەلامەتی ئۆتۆمبێلەکان بکرێتەوە و پاشان لەبەرامبەر بڕێک ڕسوماتدا تۆمار بکرێت، ئەمە لەبەرژەوەندی ئەمنی و دارایی و خەڵکدایە”.
