وەزارەتی کارەبا ڕایگەیاند، کۆمپانیای دانەغاز هەناردەکردنی غازی لە کێڵگەی کۆرمۆرەوە ڕاگرتووە و بە هۆیەوە دوو هەزار مێگاوات کارەبا لە وێستگەکانی بەرهەمهێنان کەمیبووەتەوە.
وەزارەتی کارەبای هەرێمی کوردستان ڕایگەیاند، ئەمڕۆ چوارشەممە، بەهۆی کێشەیەکی تەکنیکییەوە کاتژمێر 9:00ی بەیانی دانەغاز هەناردەکردنی غازی لە کێڵگەی کۆڕمۆڕەوە ڕاوەستاند، بەهۆیەوە دوو هەزار مێگاوات کارەبا لە وێستگەکانی بەرهەمهێنانی کارەبا کەمبووەوە.
ڕوونیشیکردەوە کە هەردوو تیمی وەزارەتی کارەبا و وەزارەتی سامانە سروشتییەکان لە ڕێگەی سەنتەری کۆنترۆڵی کارەبای هەرێمەوە لەسەر هێڵن بۆ چارەسەرکردنی گرفتەکە و ئاسایبوونەوەی دۆخی کارەبا.
پێشتریش ئومێد ئەحمەد، وتەبێژی وەزارەتی کارەبا ڕایگەیاند، کۆمپانیای دانەغاز دابینکردنی غازی بۆ وێستگەکانی بەرهەمهێنانی کارەبا ڕاگرتووە و بە هۆیەوە کوژانەوەی گشتیی کارەبا لە هەرێمی کوردستان ڕوویداوە.
وتیشی: نزیکەی سێ هەزار وات کارەبا لە هەرێمی کوردستان کەم بووەتەوە.
لای خۆشیەوە غالب مارف بەرێوەبەری كۆنترۆڵی كارەبای سلێمانی ڕایگەیاند، كاتژمێر 9:00ی بەیانی ئەمڕۆ لەكۆمپانیای دانەغازەوە بەهۆكارێكی نادیار كوژاندنەوەی گشتی بەهۆی دابەزینی پەستانی غاز ڕوویداوە و بەو هۆیەشەوە بەرهەمهێنانی كارەبا كەمبووەتەوەو ناتوانرێرت بەرنامەی دابەشكردنی كارەبا جێبەجێ بكەین.
وتیشی: ئێستا زۆربەی فیدرەكان كوژاونەتەوە بەهۆڵەكانی تاقیكردنەوەشەوە تا ئەوكاتەی كێشەی دانەغاز چارەسەردەبێت و بەرهەمهێنانی كارەبا ئاسایی دەبێتەوە.
