داکشانی بەهای دراوی تورکی بەردەوامە و ئەمڕۆش گەیشتە نزمترین ئاستی مێژوویی.
ئەمڕۆ چوارشەممە، نرخی 100 دۆلار لە بەرامبەر لیرەی تورکی گەیشتە سێ هەزار و 300 لیرە، ئەمەش یەکەمجارە دابەزینی دراوی تورکیا بگاتە ئەو ئاستە.
هەر بە هۆی دابەزینی بەهای دراوی تورکییەوە نرخی 100 یۆرۆش گەیشتە سێ هەزار و 531 لیرە.
ناسەقامگیری دۆخی سیاسی و دەستوەردانەکانی حکومەت لە کاروبارەکانی بانکی ناوەندی، هۆکاری سەرەکین بۆ کەمبوونەوەی متمانەی بازرگان و وەبەرهێنەران بە خستنەگەڕی سەرمایەکانیان لە تورکیا و ئەوانەش وایانکردووە ڕۆژبەڕۆژ بەهای لیرەی تورکی دابەزێت.
