لە چوارچێوەی پشتیوانییەکانی هاوپەیمانان، هاوکاری دارایی دەدرێتە پێشمەرگە و وەزارەتەکەش دەڵێت، هاوکارییەکە بەردەوام دەبێت و پەیوەندیشی بە مووچەوە نییە.
ئەمڕۆ دووشەممە، دەست دەکرێت بە دابەشکردنی هاوکاری دارایی بەسەر پێشمەرگەدا.
پێشتر وەزارەتی پێشمەرگە ڕایگەیاندبوو، لەچوارچێوەی ئەو پشتیوانیە داراییەی کە لەلایەن هێزەکانی هاوپەیمانان بۆ هێزی پێشمەرگە دابین دەکرێت ،بریاردرا کە ڕۆژی دووشەممە ٢٤ی حوزیرانی ٢٠٢٤ دەست بەدابەشکردنی هاوکاری مانگی پێنج بکرێت.
ڕوونیشیکردەوە کە ئەم بڕە پارەیە، لێرە بەدواوە وەک هاوکاری دەدرێت بە هێزی پێشمەرگە و هیچ پەیوەندیەکی بە مووچەوە نیە.
ئەم بڕیارەش لە کاتێکدایە کە تا ئێستا پێشمەرگە مووچەی مانگی ئایاری ڕابردووی وەرنەگرتووە.
