ئەمڕۆ یەك شەممە، ڕووداوێكی ئاگر کەوتنەوە لەسنوری ناحیەی پیرەمەگرون ڕوویدا و بەهۆیەوە نزیكەی 20 دۆنم پووش و پاوان سووتا.
بەڕێوەبەرایەتی پۆلیسی دارستان و ژینگەی سلێمانی بڵاویكردەوە، بەهۆی ئاگر کەوتنەوە لەدیوی سنوری (ناحیەی بازیان)ەوە و تەشەنەکردنی بۆ دیوی سنوری گوندی (تەڕەماری سەرو)ی سەر بە (ناحیەی پیرەمەگرون) دەستبەجێ مەفرەزەیەک لەکارمەندانی بنکەی پۆلیسی دارستانی پیرەمەگرون گەیشتنە شوێنی ڕووداوەکە بەمەبەستی کوژاندنەوەی ئاگرەکە.
ڕاشیگەیاندووە، لەئەنجامدا بەهاوکاری پۆلیسی ئاگرکوژێنەوەی پیرەمەگرون و هاووڵاتیانی گوندەکە توانیان ئاگرەکە لە ماوەیەکی کەمدا کۆنتڕۆڵ بکەن.
ئاماژەی بەوەشكرد، زیانی ئاگرەکە بووە هۆی سووتانی نزیکەی (٢٠ ) دۆنم پووش و پاوان و سووتانی چەندین داری سروشتی .
