لەگەڵ دەستپێکردنی تاقیکردنەوەکانی پۆلی ١٢ی ئامادەیی هێڵەکانی ئینتەرنێت رۆژانە بۆ ماوەی دوو کاتژمێر لە کاتی تاقیکردنەوەکاندا رادەگیڕێن.
دیلان ڕەشاد، وتەبێژی وەزارەتی گواستنەوە و گەیاندن ڕایگەیاند، بەهۆی دەستپێکردنی تاقیکردنەوەکانی پۆلی ١٢ـی ئامادەیی لە رۆژی یەکشەممەوە، بە درێژایی رۆژانی تاقیکردنەوە لە کاتژمێر ٦:٠٠ بۆ ٨:٠٠ی بەیانی هێلەکانی ئینتەرنێت ڕادەگیرێن.
باسی لەوەشکردووە، سەرجەم کۆمپانیاکانی دابینکردنی ئینتەرنێتمان ئاگادار کردووەتەوە و تاوەکو تاقیکردنەوەکان تەواو دەبن لەسەر ئەو خشتەیە بەردەوام دەبن.
