![](https://xelk.org/wp-content/uploads/2024/03/awincity2.png)
پلەی گەرمای پێنج پارێزگەی عێراق دەگاتە نیوەکوڵ و سبەینێش دوو پارێزگەی دیکەش دەچنە پاڵیان.
دەستەی کەشناسی عێراق يایگەیاند، ئەمڕۆ پێنجشەممە، پلەی گەرمای بابل، نەجەف، زیقار، موسەننا و بەسڕە دەگاتە 50 پلەی سیلیزی.
ڕوونیشیکردەوە کە سبەینێ هەینی، جگە لەو پێنج پارێزگەیە، بەغدا و میسانیش هەمان پلەی گەرما تۆمار دەکات، بەڵام لە نەجەف و زیقار دەگاتە 51ی سیلیزی.
بەڕێوەبەرایەتی گشتی کەشناسی هەرێمی کوردستان ڕایگەیاند، بەرزترین پلەی گەرمای ئەمڕۆ لە گەرمیان تۆمار دەکرێت کە دەگاتە 48ی سیلیزی و گەرمای سبەینێش لە پلە تۆمارکراوەکانی ئەمڕۆ نزیک دەبێتەوە.