رۆژی دووشەممەی رابردوو ٧٠ کۆچبەر لە دوورگەی بۆدروم لە تورکیا بەرەو یۆنان بەرێککەوتن، دوای مانەوەیان بۆ ماوەی زیاتر لە چوار ڕۆژ لە ئاودا ، سەرئەنجام لەلایەن پۆلیسی ئیتاڵیاوە ڕاگەیەندرا، کە یەختەکە نوقوم بووە و لەکۆی ٧٠ کۆچبەر کە لە یەختەکەدابوون ٦٠ کەسیان خنکاون، لەو ژمارەیەش ٣٥ سەرنشینیان کوردبوون.
خەڵك-لەزاری یەکێک لە کەسە نزیکەکانی دوو خانەوادەی ناو یەختەکە ئەوەی زانیوە، یەختەکە پێش ئەوەی نوقوم ببێت ماتۆڕی یەختەکە تەقیوەتەوە و گڕی گرتووە.
کەسی نزیکی دوو خانەوادەی ناو یەختەکە کە لە کۆی ١١ کەس تەنها دوو کەسیان لە ژیاندا ماوە بۆ خەڵك-ئاشکرایکرد، “ئەو وێنانەی بڵاوبۆتەوە یەک خێزان نین بەڵکو دوو خێزانن و کچی خاڵی منن، واتە دوو ماڵە خوشک کە ١١نە فە رن ، بە هۆی ئە وەی ماتۆڕی يەختەکە گری گرتوەو تەقيوەتەوە سوتاون دواتر ژير ئاو کەوتوون”
شایەنی باسە بەپێی زانیارییەکان بەشێك لەو کۆچبەرانەی کە ڕزگارییان بووە بەهۆی ناجێگیری تەندروستییان لە نەخۆشخانە گیانیان لەدەستداوە و لە ئێستاشدا ئەوانەی لە ژیاندا ماون لەژێر چاودێری چڕی پزیشکیدان.
