بەڕێوەبەرایەتی گشتی تەندروستی سلێمانی لە ڕوونکردنەوەیەکدا، لەبارەی بەکارهێنانی ئەمبوڵانس بۆ کاری فیلم، ئەوە دەخاتەڕوو، پێشتر لەزۆر نمایشدا ئەمبوڵانسی تەندروستی بەکارهێنراوە، بۆ ئایندەش هاوکاردەبین.
ئەمڕۆ سێشەممە، بەڕێوەبەرایەتی گشتی تەندروستی سلێمانی لەبارەی چەند خولەکێک لە بەکارهێنانی ئەمبوڵانس لەفیلمێکی شاری سلێمانی بۆ گێڕانەوەی چیرۆکێکی سەردەمی کۆرۆنا، ڕایگەیاند، بەشێوەیەکی ئاسایی هاوکاری ستافی فیلمەکەیان کردوە، چونکە پەیوەندی بە تەندروستیەوە هەبووە و تەنها لەشوێنی نمایشەکە بۆ ماوەی چەند خولەکێک ئەمبوڵانسێک سوودی لێ وەرگیراوە.
تەندروستی سلێمانی ئەوەشی خستەڕوو کە بەڕێوەبەرایەتییەکەیان بۆ ئایندەش هاوکاری ئەو کارە هونەریانە دەبێت کە پەیوەندیان بەتەندروستی هاووڵاتیانەوە هەیە.
“خۆشەویستی لە سەردەمی کۆرۆنا” فیلمێکی سینەماییە کە باس لە سەردەمی بڵاوبوونەوەی پەتای کۆرۆنا دەکات.
