کۆمسیۆنی باڵای سەربەخۆی هەڵبژاردن لەعێراق وادەی تۆماركردن و خۆپاڵاوتنی بۆ هەڵبژاردنی پەرلەمانی كوردستان درێژكردەوە.
لە ڕاگەیەنراوێكدا كۆمسیۆنی هەڵبژاردن بڵاویكردۆتەوە، وادەی تۆماركردنی هاوپەیمانی و حزبەكان و كاندیدەكان لەسەر ئاستی تاك و پێكهاتەكان كە خوازیاری بەشداریكردنن لە هەڵبژاردنی پەرلەمانی كوردستان درێژكراوەتەوە.
ئاماژەی بەوەشداوە، وادەی تۆمارکردن تا رۆژی دووشەممەی داهاتوو 24-6 درێژكراوەتەوەو لەكاتی كۆتاییهاتنی دەوامی فەرمیدا ئەو وادەیەش كۆتایی دێت، دەشڵێت” تا دوای جەژنی قوربان سەرجەم حزب و لایەن و تاكەكان دەتوانن خۆیان تۆمار بكەن و ببنە كاندیدی هەڵبژادن”.
ئەمە لەکاتێکدایە پێشتر جومانە غەلای وتەبێژی كۆمسیۆنی باڵای سەربەخۆی هەڵبژادن لەعێراق رایگەیاندبوو، كە رۆژی پێنجشەممە 13-6 دوای کۆتایهاتنی دەوامی فەرمی وادەی خۆپاڵاوتن بۆ هەڵبژاردنی پەرلەمانی كوردستان كۆتایی دێت و دەرگاكانی خۆپاڵاوتن دادەخرێن.
