دوای تێپەڕینی 19 کاتژمیر و بە هەوڵی کارمەندانی بەرگری شارستانی دواجار ئاگری پاڵاوگەکەی هەولێر کۆنتڕۆڵ کرا.
بەرگری شارسستانی هەولێر ڕایاگەیاند، توانرا بە هەوڵی سەرجەم کارمەندان دوای 19 کاتژمێر ئاگری پاڵاوگەکەی سەر رێگەی هەولێر -گوێر کۆنتڕۆڵ کرا.
بەرگری شارستانی ئاماژەی بەوەشداوە، 14 کارمەندمان لەکاتی هەوڵدان بۆ کۆنتڕۆڵکردنی ئاگرەکە برینداربوون،
بەگوێرەی بەدواداچوون و لێکۆڵینەوەکانی بەرگریی شارستانی، هۆکاری ئاگرکەوتنەوەکە بەهۆی شۆتی کارەبای مۆەلیدەی یەکێک لە تانکەرەکان بووە، سەرەتا ئاگرەکە لە کۆگایەکی پاڵاوگەکە کەوتووتەوە کە پێنج هەزار تۆن فلۆرین و نەفتای تێدا بووە، دواتر کۆگایەکی دیکەش سووتاوە.
