حکومەتی هەرێمی کوردستان پێنج ڕۆژ پشووی بە بۆنەی جەژنی پیرۆزی قوربانەوە ڕاگەیاند.
ئەمڕۆ پێنجشەممە، فەرمانگەی میدیا و زانیاری حکومەتی هەرێمی کوردستان ڕایگەیاند، بە بۆنەی جەژنی پیرۆزی قوربان، لە ڕۆژی یەکشەممە ١٦ ی ٦ ی ٢٠٢٤، تاکوو ڕۆژی هەینی ٢١ ی ٦ ی ٢٠٢٤، لە سەرجەم دامودەزگا فەرمییەکانی هەرێمی کوردستان پشووی فەرمی دەبێت.
ڕوونیشیکردەوە ڕۆژی یەکشەممەی دواتر، ٢٣ ی ٦ ی ٢٠٢٤، دەوامی فەرمی لە سەرجەم دامودەزگاکانی هەرێمی کوردستان دەست پێ دەکاتەوە.
لە سبەینێشەوە حاجییان کە زیاتر لە چوار هەزار و 600 حاجی هەرێمی کوردستانیان لە نێودایە دەچنە مینا و لەوێوە دەست بە ڕێوڕەسمەکانی بەجێگەیاندنی فەریزەی حەج دەکەن.
