ئێوارەی ئەمڕۆ لە شاری دهۆک کەسێک بە هەڕەمەکی تەقە دەکات و چوارکەس بریندار دەکات، کە یەکێکیان منداڵێکی تەمەن 11 ساڵانە و ئاوی دەفرۆشت.
بەپێی ئەو گرتانەی لە کامێراکانەوە بەدیار کەوتوون، کەسەکە بە جلوبەرگی مەدەنییەوە چەکی پێیە و تەقەدەکات، دواتر لەشوێنی تەقەکردنەکە هەڵدێ و تا ئێستاش گەڕان بەدوایدا بەردەوامە.
هاوکات لە ئەنجامی تەقەکردنەکە، دوو پۆلیس بریندار دەبن و دواتر لەڕێگەی ئۆتۆمبێلەوە سەرجەم بریندارەکان دەگوازرێنەوە بۆ نەخۆشخانە.
بەپێی زانییارییەکان برینی یەکێک لە بریندارەکان کەمێک سەختە،
پێش کەمێک ناسنامەی بریندارەکان ئاشکرا کرا، بەڵام هێشتا ناسنامەی تەقەکەرەکە دیارنییە،
بریندارەکان بریتین لە :
شڤان جەلال تەمەنی 36 ساڵە و پۆلیسە
سەرکەوت حاجی، تەمەنی 39 ساڵە و پۆلیسە
یوسف سدیق تەمەنی 20 ساڵە
محەممەد رەزوان، تەمەنی 11 ساڵە و ئاوفرۆشە
هێشتا هۆکاری ڕووداوەکە و شوێنی تەقەکەرەکە بە نادیاری ماوەتەوە ، و پۆلیس بەردەوامە لە گەڕان بۆ دەستگیرکردنی تاوانکارەکە.
ئەوەی جێی باسە لەماوەی سێ ڕۆژی ڕابردوودا ئەمە سێ یەم ڕووداوی تەقەکردنە لە هەولێر و دهۆک، لە ڕووداوەکەی هەولێر چوارکەس گیانیان لەدەستدا، هاوکات هەر ئەمڕۆش لە سلێمانی کەسێک باوکی خۆی بە چۆقۆ کوشت.
