وتەبێژی پۆلیسی گەرمیان گیان لەدەستدانی کرێکارێکی بە تەزووی کارەبا ڕاگەیاند.
ئەمڕۆ چوارشەممە، عەلی جەمال قدووری، وتەبێژی پۆلیسی گەرمیان ڕایگەیاند، بەیانی ئەمڕۆ لە گەڕەکی کەلاری نوێی قەزای کەلار کرێکارێک بە ناوی ( یادگار سالار صدیق ) لەدایکبووی 2004 لەکاتی کارکردندا تەزووی کارەبای بەرکەوتووە و لە ئەنجامدا گیانی لەدەستدا.
ئاماژەی بەوەشکرد، کرێکارێکی دیکەش برینداربووە دوای چارەسەری پێویست لە نەخۆشخانەی شەهید هەژار لە کەلار بەهۆی سەختی برینەکەیەوە، ڕەوانەی نەخۆشخانەی سلێمانی کرا،
وتیشی، پۆلیس چووەتە شوێنی ڕووداوەکە و لێکۆڵینەوە لە هۆکارو چۆنێکی ڕووداوەکە دەستیپێکردووە.
