بەپێی ڕاگەیەندراوی وەزارەتى پلاندانانى عێراق، لە ڕۆژانی بەڕێوەچوونى سەرژمێرى گشتی، هاتووچۆ قەدەغە دەکرێت.
عەبدولزەهرە هینداوى، وتەبێژى وەزارەتى پلاندانانى عێراق، لە لێدوانێکدا ڕایگەیاند، ڕۆژانى 20 و 21ى تشرینى دووەمى 2024 پڕۆسەى سەرژمێرى گشتی بەڕێوەدەچێت، سەرژمێریی هەر خێزانێک 50 خولەک دەخایەنێت و پرسیارەکان بەشێوەى ئەلیکترۆنى دەبن.
وتیشى، دواى جەژنى قوربان، مەشق و ڕاهێنان بە 120 هەزار کارمەندى وەزارەتى پەروەردە دەکەن بۆ سەرپەرشتیکردنى پرۆسەى سەرژمێریی گشتى دانیشتووان.
سەرژمێریی ئەزموونیی لە ڕۆژى 31ى ئایارەوە دەستیپێکردووە و تاوەکو 13ى حوزەیران بەردەوامدەبێت، بڕیاریشە سەرژمێریی گشتیی دانیشتووانى عێراق لە 20 و 21ى تشرینى دووەمى داهاتوو بەڕێوەبچێت.
