بەرگری شارستانی سۆران ونبوونی مێرمنداڵێکی ڕاگەیاند و دەڵێت، “گومان دەکەین خنکابێت”.
بەڕێوەبەرایەتیی بەرگری شارستانی سۆران ڕایگەیاند، ئەمڕۆ کاتژمێر ٩ ئاگادارکراینەوە بەبوونی حاڵەتێک کە گومانی خنکانی لێدەکرێت لە سەیرانگای ئێنێ لە قەزای چۆمان.
ئاماژەی بەوەکرد، مێرمنداڵێکی ناکامی تەمەن ١٤ ساڵ ڕەگەز کچ، بەناوی (م.ا.خ) دانیشتووی کەرکووک لە کاتژمێر ٦ بەیانی ون بووە کە لەگەڵ خانەوادەکەی بەمەبەستی گەشت ڕوویان لەو شوێنە گەشتیاریە کردبوو.
ئەوەشی خسەڕوو، بەوتەی خانەوادەکەی گومانی خنکانی لێدەکرێت و چونکە نەعلەکانی لە قەراغ ڕووبارەکە جێماون بۆیە حاڵەتەکە لەنێوان گومانی خنکان و وون بون دایە و دوو تیمی سەربە بەرێوەبەرایەتیمان دەستیان کردوە بەگەڕان بۆ زانینی چارەنووسی مێرمنداڵەکە.
بەڕێوەبەرایەتی بەرگری شارستانی سۆران داوا لە هاووڵاتییان و گەشتیاران دەکات کە منداڵی ناکام و بیرکۆڵیان هەیە بەهیچ شێوەیەک نزیک ڕوووبارەکان نەکەونەوە، چونکە ئەم منداڵانە هیچ ترسیان لە ئاو نییە و مەترسی لەسەر گیانیان دروست دەبێت.
