ڕێكخراوی پەیامنێرانی بێسنوور، كوژرانی هەزار و 668 رۆژنامەنووس لە جیهاندا لەنێوان ساڵانی 2003 و 2022 ڕادەگەیەنێت و پێیوایە، مەترسیدارترین وڵات لەسەر ژیانی رۆژنامەنووسان سوریا و عێراقن.
بەپێی ڕاپۆرتێك كە لەلایەن ڕێكخراوی پەیامنێرانی بێسنوورەوە بڵاوكرایەوە”هەزار و 338 رۆژنامەنووس لەنێوان ساڵانی 2023 و 2022 كوژراون، بەڕێژەی 80 رۆژنامەنووس لە ساڵێكدا، عێراق و سوریاش لە ڕیزبەندی یەكەمداَن لەنێو مەترسیدارترین وڵات بۆ ڕۆژمامەنووسان”.
لە ڕاپۆرتەكەی ڕێكخراوی پەیامنێرانی بێسنووردا هاتووە”بە كوژرانی 578 رۆژنامەنووس لە بیست ساڵدا، عێراق و سوریا یەك لەسەر سێی رۆژنامەنووسە كوژراوەكانیان تێدابووە، بەمەش پێش وڵاتانی تری كەوتووە وەك، مەكسیك (125)، فلیپین (107)، پاكستان (93)، ئەفغانستان (81) و سۆماڵ (78) كەوتوون”.
ڕێكخراوی پەیامنێرانی بێسنوور دەڵێت”ئەو ساڵانەی زۆرترین رۆژنامەنووسی تێدا كوژراوە، ساڵانی 2021 و 2013 بوون و زۆرترین ڕۆژنامەنووسیش لە ململانێكانی سوریادا كوژراون”.
