ڕیشی سۆناك سەرۆك وەزیرانی بەریتانیا، هۆشداریی دەدات لە قۆناغێكی قورس و پێیوایە، ئاستەنگە ئابورییەكان بەهۆی ناكۆكییەكان لە ئۆكراینا لە ساڵی ٢٠٢٣ لە بەریتانیا بەردەوام دەبن.
سۆناك بە بۆنەی ساڵی نوێ و لە وتارێكیدا ڕایگەیاند:”واخۆم دەرناخەم كە بڵێم هەموو كێشەكان لە ساڵی نوێدا نامێنن، بەڵام ساڵی ٢٠٢٣ هەلی ئەوەمان بۆ دەڕەخسێنێت لە بەریتانیا كە ساڵێكی باشتر دەبێت”.
سۆناك ساڵی ڕابردووی بە “قورس” وەسفكرد و بەڵێنیدا پشتیوانی وڵاتەكەی بۆ دەسەڵاتەكانی كێیڤ بەردەوام بێت، وێڕای ئاستەنگە ئابورییەكان كە تا ئەندازەیەكی زۆر بۆ ئۆپەراسیۆنە سەربازییەكانی ڕووسیای گێڕایەوە لە ئۆكراینا و وتی:”ئۆپەراسیۆنە سەربازییەكانی ڕووسیا لە ئۆكراینا كاریگەرییەكی قوڵيان لەسەر جیهان هەبوو، بەریتانیاش پارێزراو نییە”.
