بەشێوەی ئەلکترۆنی فۆڕمی دامەزراندن بۆ چەند دەرچوویەکی بەشە پزیشکییەکان ڕاگەیەندرا.
فەرمانگەی میدیا و زانیاری حکومەتی هەرێم بڵاویکردەوە، ئەنجومەنى ڕاژەى گشتى، بە هەماهەنگی لەگەڵ وەزارەتی تەندروستی، هەڵدەستێت بە ئەنجامدانى ڕێکارەکانى دامەزراندنى ٢٤ دەرچووى پسپۆرییەکانى (پەرستارى زانکۆیى) و (یاریدەدەرى سڕکار) بە شێوەى گرێبەست بۆ بەرێوەبەرایەتیی گشتیی تەندروستیی ڕاپەرین.
ئاماژەی بەوەشداوە، دەرچووانى زانکۆ و پەیمانگاکان لە پسپۆرییەکانى ئاماژەپێدراو کە نیشتەجێى سنوورى ئیدارەى سەربەخۆى ڕاپەرینن، دەتوانن لە ڕێگاى لینکى خوارەوە فۆرمى داواکارىی دامەزراندن پڕ بکەنەوە.
هاوکات دواوادەى ناردنى فۆرمى داواکارى دیاریکرا، کەڕێکەوتى 15/6/2024 دەبێت.
