بەڕێوەبەرایەتی گشتی کارەبای سلێمانی ڕایدەگەیەنێت، لە سبەینێوە کاتی پێدانی کارەبا دەبێتە 24 کاتژمێری.
ئەمڕۆ 31ی ئایارە و بەپێی بەدواداچوونی (خەلک) بڕیارە ڕۆژی یەکشەممە لەگەڵ دەستپێکردنی دەوام، نرخی ئه‌مپێڕێك كاره‌بای موه‌لیده دیاری دەکرێت و لە سبەینێوە 1ی حوزەیران خشتەی کارکردنی مۆلیدە ئەهلییەکان دەگۆڕێت و 24 کاتژمێر کارەبا دەبێت.
بەڕێوەبەرایەتی گشتی کارەبای سلێمانی لە ئاگادارییەکدا بۆ خاوەن مۆلیدە ئەهلییەکانی ڕایگەیاندووە، “بەرنامەی کارکردنی مۆلیدەی گەڕەکەکان بەرواری لە ١/٦/٢٠٢٤ دەگۆڕدیت و دەبێت (٢٤) کاتژمێری ، واتە هەرکاتێک کارەبای نیشتیمانی کوژایەوە دەبێت ئەوان کار بکەن و کارەبا بەهاووڵاتیان بدەن”.
