وەزارەتی دارایی بەردەوامە لە ناردنی ناوی مووچەخۆران بۆ بانکی TBI بۆ بەبانکیکردنی مووچەکانیان و ئەمڕۆش ناوی دوو هەزار و 500 فەرمانبەری دیكەی دەستی بانكی TBI كراوە.
عەزیز ئەحمەد، جیگری بەڕێوەبەری نووسینگەی سەرۆکی حکومەتی هەرێمی کوردستان رایگەیاند، ئەمڕۆ پێنجشەممە، 30-5-2024، ناوی دوو هەزار و 500 فەرمانبەری دیكەی هەرێمی كوردستان رادەستی بانكی TBI كراوە، بۆ بەبانكیكردنی مووچەكانیان.
ئەوە لە کاتێکدایە پێشتر وەزارەتی دارایی هەرێم بە دوو وەجبەی جیا نزیکەی 817 ناوی فەرمانبەرانی هەرێمی بۆ بانکی تی بی ئای ناردبوو بۆ تەوتینکردنیان.
