جێگری سەرۆکی ئەنجوومەنی وەزیران داوای ڕاگرتنی دەستبەجێی ئەو هەنگاو و ڕێکارانە دەکات کە ئێستا لەناوچە کوردستانییەکان دەگیرێنەبەر.
دەستەی گشتی ناوچە کوردستانییەکانی دەرەوەی هەرێم بڵاویکردەوە، قوباد تاڵەبانی، جێگری سەرۆکی ئەنجوومەنی وەزیران وێڕای دەستخۆشیی لە سەرۆکی دەستە و هاوکارانی، پشتیوانیی خۆی بۆ هێنانەکایەی نەخشەڕێگە و سیاسەتێکی نیشتیمانی و کوردستانییانە دەربڕی بۆ ناوچە کوردستانیەکان .
ئاماژەی بەوەشداوە، قوباد تاڵەبانی داوای کارکردنی جددیی لەسەر ئاستی دامەزراوەکانی هەرێم و فیدراڵ بۆ بەجێگەیاندنی بەرپرسیارێتیی جێبەجێکردنی ماددەی ١٤٠ی دەستوورکردووە، و دەستبەجێ ڕاگرتنی هەموو ئەو هەنگاو و ڕێکارانەی ئێستا لەو ناوچانە دەگیرێنەبەر، کە هیچ خزمەت بە گیانی پێکەوە ژیان لەو ناوچانە ناکات.
ئەنجومەنی وەزیران داوای کرد دۆخی ئەو ناوچە کوردستانییانە ئاسایی بکرێتەوە و کۆتایی بەو ڕەوش و دۆخە سەربازییە بهێنرێت کە بەسەر ئەو ناوچانە سەپێنراوە و هەموو پێشێلیکاریی و دەستدرێژییەک بۆ سەر هاووڵاتییانی ئەو ناوچانە کۆتاییان پێ بێت و لە چوارچێوەی دەستوور و بەتایبەتی ماددەی ١٤٠ی دەستووری كێشە و ناکۆکییەکان چارە بکرێن.
